婚禮

生平不太喜歡婚禮.一模一樣的方式,接新娘,玩遊戲,註冊,擺酒,見到都覺得煩,

也想過有一日會有怎樣的婚禮.最想是開一個party...大家開開心心..飲飲食食..行行企企..跳下舞.不

知幾開心

這天我到了妳的婚禮,看見妳高興開心的樣子,我覺得很高興.也想過不出席你的婚禮.

你的家人,朋友我都認識的,他們會有什麼感覺,再想深一層已經過了那麼多年,以朋友身份祝賀你有

什麼問題.不用理會其他人.

那天你的大哥,二哥握著我手連聲多謝,問候了伯母的身體.........!開心的跟你拍照.....講真怎樣也有一點兒不開心.....不是不開心,只是古怪的感覺......

想深一層我和妳的思想,有很大的不同..諗事物的方向....怎樣也只會是好朋友.

祝你生活愉快.

水上活動

今年暑假算是活躍了,參加了康文署的水上活動訓練班.獨木舟及風帆.8-9月一共上了6個課程.獨木舟 1,2,3星.中級銅獎及月尾的獨木舟翻滾班,風帆只是上了2天的初班..再上級要4日.時間都幾難夾.課堂朝九晚五加上早起搭車.真的比返工更辛苦,不過換來的是開心.這幾次的課堂都時去黃石及大尾督水上活動中心.黃石比較靚風景.不過要預多一點時間.半個鐘一班的巴士,由西貢入蔩石....錯過了一班車便要等半小時了.大尾督就比較放便.揸車就入到去了.

昨天玩中級銅獎.在大尾督中心比黃石中心大風浪,感覺很好呀.不過不小心給岸邊蠔殼介傷了.一路流血,一路爬.好在傷口不大不過比較難止血.不過回家前..傷口有些少痳痺的感覺...點都會有些少感染.

報康文署的班一係早個幾月抽屜,一係就等一些班不足人數"執雞"報名..9月中就有得"執雞".等我考慮玩什麼活動先.

玩了咁多日..我已經黑到"痴"地了...哈哈

紅外線拍攝

近幾日玩紅外線拍攝...最衰都是茶神攝記有部紅外線相機玩..我又心思思想搵來玩下.不過要搵一部舊的 相機搵人改.在本港拍賣找不到..外國的拍賣網要成700-800港元,未計運費.當一部玩具相機玩又好似貴了一點.



等候了差不多一個月.在旺角行街的時候發現,這部相機,原來880元..我即問老闆有冇得減..佢二話不說就最多800元..我即刻買.之後又要搵人改相檮 ..total 就用了 1700元.



我諗過除了拍攝風景外,還可以怎樣玩.點樣先可以用另外一個方法影紅外線.唔想好似貪得意咁去玩.雖然創新是很難,但我諗一定有其他方式去表達的

天魔特攻之鬼魅兵團 ~~~中年男士的寫照

一個非常佬的電影......

hellboy 本身已經一個佬的做型.愛看電視,食雪茄,飲啤酒.聽黑膠唱片,睇vhs 影碟.不太整潔的家居環境.

工作上位於中級職位,愛出位出風頭.但上司又不喜歡你太出風頭.又有一個好多道理講的上司,什麼都要照手續,規則辨事.(乜咁似我公司的環境).

身邊又有一個女友.重冇啦啦大左肚.重成日話你唔清理屋內沒有用的東西.

睇睇下幾似一般的中年男士上班族的情況,想出位又唔係咁得,高層又成日有限制.想改變又沒有足夠能力.又要成日比女友話,....

重有一幕hellboy同魚人(其中一個角式)在家飲酒唱情歌.....死未.

你想像一下..如果兩個佬飲啤酒唱林子祥的"最愛是誰"果個感覺係未想死.

魚人識女仔.要戴大眼仔隱形眼鏡.我都差d笑出來.

片名其實可以改成"中年男士上班族寫照實錄/中年男士的悲哀".適合 30+的男士觀看.

計劃旅行~~

計劃旅行?講真.次次去旅行我都冇計劃..想去就去..去到先算.最多睇下旅遊書.有乜地方去.
今次友人唔做辭職去三個月旅行.雖然delay 了半年再次計劃出發.不過我都係冇計劃點玩.
有少少去到先算.一個月真的太少了.只去得一個國家.最大問題係如果同朋友一起出發.可能有些地方我不太想去(今次旅行不是首個要去的地方).可能要遲一個月出發先join 他們.不過時間怎樣夾?
如果朋友首站去我想去的地方.他們又要浪費了一些時間去回頭路.

所以旅行計劃就給我朋友決定先.睇下時間上怎安排.不過我相信一定解決得到.
如果最後沒有方法解決.可能又獨自上路.

旅行日期迫近.簽證都開始申請,我又買了一些乜乜15分鐘西斑牙語學,真係15分鐘呀~~~好得
我只係聽了15分鐘咁耐.係一個星期...唔係一日.之後隻vcd又放在我前面對住我.又係果句懶.
我諗希望記得 1-10 點讀已經好好..哈...我會努力..再來15分鐘.

對我來講.旅行事前的計劃只是一個簡略的計劃,好多時都是到當地即場決定,應變.當然有計劃
總會安心一點.知道自己目的地在那裡.可能我喜歡未知的完素.探險的感覺.

所以我人生都沒有什麼大計劃.到時先算?我又不太想.........這個旅行可能會有一些啟發.希望.....
好像都係時候諗一諗....

危險駕駛

我唔係講我駕駛果時好危險,係我成日令到跟我車尾的人好危險.
上次跌側袋事件後.今次又跌另一樣野落街,
我懷疑有一日會比人告我在公路上亂掉垃圾影響駕駛人士安全,
而罰我1500 加停牌,果1500係亂掉垃圾費用.
講返事件發生經過.原本用開的頭盔面鏡花了.又懶得去換.加上其實想換個新的.
面鏡花到,連日頭望出去都矇朧一片,這個星期都沒有拉下面鏡來揸車,結果會點
未係被風吹到面歪歪.那天第一次揸車入天水圍工作.完事後就換了後備的頭盔用.
把用開的放左尾位.好似平時放後備頭盔一樣.
當我返到停車場的時間(天水圍去黃大仙 半個鐘有多的車程),
就發覺不見了頭盔加 左邊指揮燈,左邊只有幾條電線突了出來.望住呆了一陣.
想起過長青隧道的時候,聽到怪聲,可能就係在那時候跌了下來,掛在後尾燈,再扯
爛了指揮燈.
邊個話揸電單車危險,跟我車尾就更加危險.分分鐘有驚喜.
各位老友"記住唔好跟我車尾"

獨木舟

八號風球後的一天,在擔心風雨下不能舉行的獨木舟訓練班.幸好早上已取消風球.準時到黃石碼頭,原本八人的訓練課程,只得3人上堂.兩日的一星,二星課程,第二日另外一個同學不能上課,所以第一日就教了第二天的課程.而且得2-3人上堂.練習時間多了.教練又輕鬆,其實教練不是死硬派教法的人.好多時要你試,自己諗,不是墨守成規那一種教法.我很喜歡.二天的課程,已教了我們一些不是二星的動作.而且有一些難到的.如cap 船怎樣借力反正隻船.x-型救船法...等.第二天半天用來睇video,因為雷暴警告及黃雨 :(,下午先有得出船.

兩天的活動,不是手臂最累而是雙腿,滾動船的動作要用雙腿同腰用力....不過辛苦都是開心的黃石碼頭風景實在一流.

我城

我喜歡我們的城市.因為充滿奇怪的人.奇怪的事件,總有一些有趣事件會發生.

可笑的,可悲的.有時什至覺得,是否工作壓太大,會出現幻覺的.

2008

這個blog 原來給廢棄了好耐了......差不多年半.網絡上有多少東西登記了一次後就沒有再用.這是另一樣網絡垃圾出現

資訊/污染?

近日經過銅鑼灣/旺角.發現大大小小的巨型電視滿佈行人專區.
是香港人 需要大量的資訊,還是各收費電視台強迫市民接收資訊?
資料泛濫外,另一個問題就是噪音加強光的污染.
旺角等熱鬧地區已經十分嘈雜,再加上巨型電視的噪音,耳朵十分難受.我不知道環保署有沒有監察這個問題?

角度

不同的角度,不同的方法去睇事物.
是否真的可以這樣做.
主觀角度總會形響一個人對事物的看法.
但如果沒有立場,又會左右飄忽.
事事中立,事事抽離,事不關已.
感覺奇怪.

木馬玩具

在電梯旁的木馬玩具,被遺棄在垃圾筒旁.但不到半小時已給人拾去了.
人棄我取,你不需要的別人可能會需要.