Lightpainting

好友J睇完電視節目介紹Lightpainting.記得讀攝影的時候玩過下.有人想玩我又有興趣.未一起癲.雖然不是新玩法,但要夾背景,位置等的考慮.一個普通的形狀都要玩幾次先成功,那天又有些少腦痳痺沒有idea.玩左2-3小時,只有幾張覺得滿意. 希望下次有好的idea 及計劃.

2010

2009 12 31 ,放工後與幾位友人食飯,睇戲.看完戲剛好12時.在朗豪坊已梯聽到倒數的聲音.我跟著倒數聲我咳嗽起來(%^&$^&$)咳到彎起腰來.情況有些搞笑.
2010 沒有什麼特別的願望.開開心心就得....希望完成渣打馬拉松全馬真係有d驚.可能會搵一些課程進修下 :)...樓市2010 年中會唔會下跌?..如果下跌就考慮入市..重有....!!得我再諗下先..........

亂up

萬事有因,定下結果,環環緊扣,一動全身.
人心難測,事更難料,命相運連,早已定數.

加入英雄行列

我已加入英雄行列.i am hero ,艾瘋實在大多人用了,好似一人一手艾瘋一樣(其實hero 都唔少人用緊)..實在唔型.而且i-phone有好多限制.選擇一部比較特別一些的手機.外型初初感覺有些怪.不過用耐了就不覺了.
用了第一,兩天就要轉電話月費計劃了,超支上網.這個在預算之中.上網看網頁,msn都比舊那一部快了很多.又有很多小玩意,程式下載.都幾好玩.消費,消費又消費.這兩個月都是破財日子~~~:(.

聯合國兒童基金----半馬拉松

聯合國兒童基金----半馬拉松29/11.乃明年參加渣打的測試,維持5分鐘至 5分半一公里的速度,以1小時56分鐘完成比賽.比渣打最好成績那一年快了一分鐘.雖然路程不同,但也算滿意,發覺跑到了12公里後明顯速度減慢,差不多終點發覺開始提不起力加快.未比賽前覺得可以有機會做到1小時45-50分鐘的時間.現在覺得操練不夠,要一星期跑2-3次先有機會達到滿意成績.(現在一星期跑一次至二次).跑完段發覺左右大腿有些少痛.要需要加強大腿肌肉,增加耐力.
希望渣打全馬能做到 4個半小時完成.有目標,積極些,一定得.

過山車~~~

我第一次手上的股票一日內波幅好似過山車一樣.前一日 11.3收市.今日開市價 8.8 跌到 6.17.到 11點升返上去 9.56.最高果時跌了四十幾巴仙.一開市見到8.8的價位已經好奇怪.冇啦啦跌二十幾巴士.之後一路跌心大心細都唔知走唔走手上的股.考慮的時候已經跌到7元樓下了.即刻尋找什麼原因令股價跌,原來管理層變動.
公司發聲明執董辭任,不會產生重大不利影響.聲明一出升返去.一個消息影響好大.不過最後我 8元入了兩手.

東涌單車遊記

星期日 08/11 由東涌踩單車到迪欣湖.難度一般,天氣不錯,雖然有一點兒熱....由東涌沿海邊直路行駛,遠望可見到機場,博覽館.路邊有機鐵及港鐵經過.可以同機鐵鬥快:)....這條是新路線,只看過網上介紹的車路.胡亂之下做了領導.行錯了幾個路口.先找到正確的路.

到了欣澳同行的幾位朋友,因有事情而早走離去,只得朋友和我上迪欣湖.休息了一會.回程行走行車路線回東涌.風景沒有那麼美麗.不過大直路,微斜的路都好好行.沿途會見到全副武裝的單車手在路上練習.十分有型:) .

海邊的風景

迪欣湖

迪士尼入口

鹿頸

認相/認身份証.

今日朋友媽媽出殯.幫手拍攝過程.發覺紙札公仔,紙札物件都貼上先人的相片/身份証影印本..以前只會寫上先人的八字,名字在物件上.
可能現在科技進步.出入境要過海關,要登記(遲d可能要印手指模 e-通道).....
方便物主認出物件.所以貼上有樣子的紙張...才燒落去.

中環 ~~~~

中環~

十三年前的網友聚會.

不經不覺十三年,.在ims 的 newsgroup以28.8k 上網速度年代(上世紀的事了),認識了一班網友.打波,飲酒,唱卡,吹水傾計.
今晚出來晚飯.差不多至少5-6年以上沒有見面,九個網友個個樣貌沒有多大的改變.只是覺得大家老了一點.....
大家傾各人這幾年的生活.傾以前的好笑的事件.有些朋友連絡不上,只得call機,有些只得網名........
回憶往事,有些事情一點也記不起,好像發生過,又好像有些少印象.......
以前瘋狂的飲酒事件,玩icq,玩net-meeting.寫網頁(用html寫).某某同某某的故事.......不同故事不同人物又浮現腦海.
今次聚會後..以.秋後會去某一位網友家中bbq .........希望多一些人出席..

天台的森林

清拆了的天台屋,留下了廢棄的植物.天生天養,日曬雨淋.自然地生長.形成了天台的森林.

漂亮綠色地帶.不用人為修剪.自然形成的十分有趣.

舊區將清拆.這些天台森林可存在多久.有沒有人珍惜?

死佬日記

7月31日同友人s 一起去看歐錦棠的死佬日記.第四度公演.故事是探討兩性之間的分歧,看事物的方式. 遠古年代男性是狩獵者,女性是收集者.因而發展到現代的行為模式.

1)一班女性一起如果就快食完一包薯片會怎樣做?是一起走去取薯片,而且不斷交談.如果一班男性同一情況會怎樣?是講數,大家互相講做過什麼,我買薯片,我揸車去買,我比錢之類,最後最沒有建樹的就去取薯片.

2)男性休息的時間就會集中,看電視,睇波等活動減壓休息,最好有個山洞放鬆不受外界影響.女性就要不斷說話,不斷交流資訊..去休息減壓.

3)男性去購物通常只集中一樣想要的物件,不會理會其他.好像狩獵的時候.只會集中前面的獵物.女性就好像收集食物一樣.四處收集比較.

還有好多有趣的事例.不能盡錄(其實我記唔到咁多就真)

比人偷頭盔~~鈄路轉彎跌車+甩鍊.

電單車頭盔比人偷了,自己大意冇鎖好.奇實我都好少鎖的.今次泊又一城城大出面.已經用布cover 了部車.基本上都冇人會攪.去又一城食早餐(工作完畢後).之後回去準備去第二個地方工作.點知發現不見了我用的頭盔,得返一個後備頭盔在車上.再想一想發覺離開車的時候,有一個人手提著一個頭盔在聽電話.不似取車.有少許懷疑是那一個人偷了.嬲都冇用都比人偷左..只有去買個新的.落去旺角電單車店舖.可能太早未開門.

無辦法下就過海影山頂樓盤外貌.山長水遠又唔識路.轉來轉去才到達目的地.在更亭前問保安確定地址.想轉返落鈄路先影外貌.怎知就在轉彎的時候跌車,重要甩鍊.在更亭前修理車差不多半個鐘.其間打電話給電單車師父救助....最後裝回車鍊.辛苦了半天.好在下午不再出現黑氣:)

晚上去了旺角買了頭盔.

不過黑還黑.整天我最開心就是食早餐的時候影了早餐雙蛋餐包的相片..真係似馬騮頭:)

工作態度

某某同事好心比心機,用心去拍攝啦.你冇心機就係人都知.你同其他人講話已經好用心去影.
只要睇一睇你的"相種"就知道你有冇用心去影.連普通的天氣相都影得不好.我相信你十五分鐘內見人就影.以為求求奇奇影了就算.我知天氣熱.可能等好耐都沒有好相.但是你做了攝記咁耐都知要什麼.冇就等到有.影唔到人..影下維港都好啦..你係尖沙咀呀.

某記者說:某日的團體示威集會中,拍攝了個多小時.你說有另一外一單工作要做要走先..後來才知你的另外一單工作是幾個鐘後..示威人士去另一個地方.未又要CALL你回去.唔好又當我地傻先得.次次話有另一單工作早走.不是次次成功的.而且可以從記者口中知你的工作態度.

唔好當我地傻!好心....騙人就高明一些

某人放四日假前一日的工作天,打電話回公司說因肚痾,嘔而不能工作,但離那工作的時間差十多分鐘就開始,而且他已到達工作地點了.十多分鐘的時間,跟本不可能找同事幫助,在沒辦法下他當然要完成那份工作.完成後他又打電話回公司說我現在做了相片先,一陣再回大埔當作上班.連病假,調假都不想取.同事當然回答.你病了就去睇醫生啦,返來公司傳染給別人.而且公司入閘前要量體溫.他計劃沒法得逞.

我們幾個同事當然不相信他病了.因為疑點重重.

第一:如果你又痾又嘔,腸胃炎的話,跟本上沒有可能搭車出去工作.
第二:如果你一起身就病了,未開工就打電話回公司請病假啦.不用那麼急先打 回公司沒可能去到工作地點先發病呀.唔想開工呀..當放多半日假就真.
第三:如果病了又不想請病假.又不調假.當上班.之後的工作又不用做.咁"著數". 個個學你一樣,攝影部就唔駛開工啦.日日病假當開工..幾好呀.

個個都知你騙人.唔好當所有人都傻...放假前一日放病假.係人都知九成係假病.假病得來人地冇你符先高招.如果係我就---------晨早打回公司話病.發燒,肚痾,嘔...乜都好.坐堂一定唔會叫你開工.最好你再比少少錢去睇醫生,有醫生紙.我連假都唔調.我比得起錢...你吹咩..咁先高招.又要貪到盡.又比人睇穿,得不償失.
重有你放假前想早走..未前一日話比分工作的同事聽..唔駛做無謂的事情.
個個人都知你出名..............懶.以你咁的職位可以唔死...HAHA....你好野.....我學唔到啦.

動漫節

動漫節 2008年8月2號 ...

放逐

經過金魚街,見到橙色細龍蝦非常有趣,買了兩隻放進魚缸中.怎知龍蝦把缸中的草皮翻起,剪斷草,日日回家只見綠草浮面.極之可憐....話我自己可憐.我又懷疑他們攻擊小魚.見到其中一隻好開心的食魚,龍蝦身形同小魚一樣大.

所以我決定放逐兩隻龍蝦.千辛萬苦把囚犯捉到放入監房,隔離觀察.

天台

近來突然想影天台...不是想影天台屋..只是想影天台上的東西,現代的住宅,幾十層高,上天台只有走火警的時間先會踏進.從旺角,官塘高樓望去舊樓上的天台,感覺另有一個空間,有掛滿衣物,有如林森的天台,放置雜物,還有老鼠膠(捕捉老鼠的強力膠).形成一個獨特的空間,沒有規則,沒有管理(比較少).可能覺得現代化的住宅太多規管.所有事情格式化.太死版......舊區重建.天台特式只會更加少.